గడ్డిమోపెత్తుకొని గట్టెంట ఎల్తంటె తుంటరి నా మామేమొ




గడ్డిమోపెత్తుకొని గట్టెంట ఎల్తంటె
తుంటరి నా మామేమొ
ఎనకెనకె వత్తండె
నడుమొంపుల సూపుల్తో
చురకత్తులె గుచ్చిండె
ఓపలేక నేనేమొ
నడవలేక నడుస్తుంటె
బంగరు నా మామే
అడుగులకు మడుగులొత్తె
కడవట్టుకు నీటికోసం
ఏటి గట్టు కెళ్తేను
కోనంగి నా మామే
గిల్లిగిచ్చి సంపాడె
ఓపలేక నేనేమొ
ఎల్లలేక ఎల్తుంటె
బంగరు నా మామే
తోవంతా పూలు పరిచె
బుట్టట్టుకు నేనేమొ
పూలకోసమెల్తుంటె
పోకిరోడు నా మామె
పూలన్నీ దాచేసె
ఓపలేక నేనేమొ
చిన్నబుచ్చుకెల్తుంటె
బంగరు నా మామె
పూలవాన కురిపించె
మురిపించి మరిపించె
మరిపించి మనువాడె..!!

Next
Previous