గాయత్రీదేవి అష్టకమ్




సుకల్యాణీం వాణీం సురమునివరైః పూజితపదాం శివ 
మాద్యాం వంద్యాం త్రిభువన మయీం వేద జననీం పరాం 
శక్తిం స్రష్టుం వివిధ విధిరూపగుణమయీమ్ భజేంబాం 

గాయత్రీం పరమమృతమానంద జననీమ్ || 1 ||

విశుద్ధాం సత్వాస్థామఖిల దుఃఖ దోష నిర్హరణీమ్ 
నిరాకారం సారాం సువిమల తపోమూర్తిమతులాం 
జగజ్వేష్ఠా శ్రేష్ఠా మసురసుర పూజ్యాం శ్రుతినుతాం 
భజేంబాం గాయత్రీం పరమమృతమానంద జననీం  || 2 ||


తపో నిష్ఠామభీష్టామంబ జనమత సంతాపశమనీమ్ 
దయామూర్తిం స్పూర్తిం యతియతి ప్రసాదైక సులభామ్ 
వరేణ్యాం పుణ్యాం తాం నిఖిల భవబంధాపహరణీమ్ 
భజేంబాం గాయత్రీం పరమమృతమానంద జననీమ్ || 3 ||


సదారాధ్యాం సాధ్యాం సుమతిమతి విస్తార కరణీమ్
విశోకామాలోకాం హృదయగతమోహాంధ హరణీమ్ 
పరాం దివ్యాం భవ్యామగమ భవసింధ్వేక తరణీమ్ 
భజేంబాం గాయత్రీం పరమమృతమానంద జననీమ్ || 4 ||


అజాం ద్వైతా త్రైతాం త్రివిధగుణరూపాం సువిమలామ్ 
తమోహంత్రీం తంతుం శ్రుతిమధురనాదాం రసమయిమ్ 
మహా మాన్యాం ధన్యాం సతత కరుణశీల విభవామ్
భజేంబాం గాయత్రీం పరమమృతమానంద జననీమ్ || 5 ||


జగద్ధాత్రీ పాత్రీం సకల భావ సంసారకరణీమ్ 
సువీరాం ధీరాం తాం సువిమల తపోరాశి సరణీమ్ 
అనేకామేకాం వైత్రయ జగదదిష్ఠాన పదవీమ్ 
భజేంబాం గాయత్రీం పరమమృతమానంద జననీమ్ || 6 ||


ప్రబుద్ధాం బుద్ధాం తాం స్వజనయతి జాడ్యాపహరణీమ్ 
హిరణ్యాం గుణ్యాం తాం సుకవిజనగీతాం సునిపుణామ్ 
సువిద్యా నిరవద్యాం కథగుణగాథాం భగవతీమ్ 
భజేంబాం గాయత్రీం పరమమృతమానంద జననీమ్ || 7 ||


అనంతాం శాంతాం యాం భజిత బుధవృంద శృతిమయీమ్ 
సుగేయాం ధ్యేయాం యాం స్మరతి హృదినిత్యం సురపతిః
సదా భక్త్యా శక్త్యా ప్రణతి యతిభిః ప్రీతివశగః 
భజేంబాం గాయత్రీం పరమమృతమానంద జననీమ్ || 8 ||


శ్రీ గాయత్రీదేవి అష్టకమ్, ఫలం 
శుద్ధ చిత్తః పఠేద్యస్తు గాయత్రి అష్టకం శుభం 
అహో భాగ్యో భవేల్లోకే తస్యా మాతా ప్రసీదతి
Next
Previous